تحليل

د.جاسم خلفان: كلام القنوات الفضائية بيجيب وش؟

حينما أكون في مصر ومن طبيعتي العشرية أن أكون بين الناس وأتكلم معهم وبما أنني مشغول بالهم العربي وأوله المصري، بدأت في الحديث مع العامة من الناس وفي أي مكان أصله بقصد وبدون قصد.

مساء الخير يا عم، مساء النور يا ابني، ممكن سؤال ياعم، إتفضل، بتشوف التلافزيون، أيوه بشوفه، فيه حاجه، لا يا عم بس بستفسر، رآيك إيه الناس كل يوم بتطلع تتكلم عن مصر ومشاكلها وحاضرها ومستقبلها؟ و إستقرارها.

كنت أطرح هذه الأسئلة بهذه الطريقة فتنهمر الإجابات التالية:

# حضرتك من قناة الجزيرة، لو كنت منها يبقى إمشي لحسن.. لا يا عم  حد الله بيني و بينها، يبقى شوف الكلام كتير وداخل في بعضه ولا ليه أهمية لمصر.

# حضرتك من قبل تسأل إنته من فين؟ أنا من عيال الشيخ زايد! أقدع ناس.. والإمارات ليها مكانة خاصة عندنا

ومعزة ومحبة للشيخ زايد حكيم العرب وولاده الجدعان.. شوف يا أستاز الناس إللى بتطلع ترغي كل ليلة ومصدعانا دوول ناس قبيضه واللي بيدفع أكتر بيميلوا معاه..

# وسألت سيدة فقالت: حضرتك التوك شو أصبح ضرورة من ضرورات المجتمع والحياة اليومية للناس المثقفة أو العامة وللعلم المسئولين بيتابعوا البرامج دي وتؤثر في إتخاز القرار..

# وأسأل شابا… يا باشا أنا لو من الريّس السيسي أأفل البرامج دي وأعمل مجالس إستشارية تخصصية

وتديني خطط متكاملة ما إتخرش الميه..

# ويفاجئني سواق التكسي.. يا باشا السيسي دماغه توزن بلد وبيعمل الصح وسايب دوول يسترزءوا بعيد عن المصلحة العامة..

# بصراحة البرامج دي فيها الكويس وفيها الوحش.. والناس في المجتمع المصري بيعرفوا يميزوا بينهم فما إتخافش على البلد والسيسي معلم كبير وعارف بيعمل إيه للبلد و للعرب كمان يعنى إحنا مطمنين..

# للأسف فيه ناس ضد البلد.. وضد الريّس ولكن مكشوفين

# يابني روح بلدكم وإسأل هناك وإنته مالك ومال مصر دي كبيره عليكم كلكم.

# مصر ستنتصر على كل أعدائها بس تسندوها يا أهل الخليج لأنها حتحميكوا

# مصر كبيرة والناس فاهمة كل شيء بيحصل والسيسي دماغ كبير وحيعدي بمصر لبر الأمان

# مصر لن تتغير بين يوم وليلة إصبروا عليها تطهر من الخرفان وحترجع أقوى من زمان

أكتفى بهذه الاجابات وأترك لكم التعليق..

تابعونا عبر تويتر من هنا

تابعونا عبر فيس بوك من هنا

 

كاتب

إعلام دوت كوم صوت الميديا العربية

أنت تستخدم إضافة Adblock

برجاء دعمنا عن طريق تعطيل إضافة Adblock