7 تصريحات لـ أحمد عصام السيد عن دوره في مسلسل "فخر الدلتا"
أدلى الفنان أحمد عصام السيد، لبرنامج "رمضان نايتس"، الذي تقدمه المذيعة دينا نوار علي إذاعه راديو هيتس، بعدة تصريحات عن دوره بمسلسل "فخر الدلتا" الذي يعرض ضمن موسم رمضان الحالي.
وجاءت تصريحاته كالآتي:
1- بلعب في "فخر الدلتا" دور "عمرو" وهو شخص نصّاب، ودمه خفيف في نفس الوقت.
2- النصاب شخصيته دايمًا لازم تكون لذيذة، دمه خفيف ولطيف مع الناس، عشان يقدر ياخد اللي هو عايزه، سواء فلوس أو اتفاق أو خدمة معينة.
3- "عمرو" هو شخص بيهرب من الفشل، وبيقرر يرمي كل حياته القديمة ورا ضهره، ويعمل حاجة مفيهاش أي نوع من أنواع القيود.
4- لما جالي "فخر الدلتا" كنت سعيد بالعمل مع "أحمد رمزي" في أول عمل كبير ليه، وهو مجتهد ويستحق، وكمان كنت سعيد بالعمل مع المخرج هادي بسيوني.
5- كانت خطوة شجاعة من المخرج والبطل إنهم ياخدوا القرار ده، وأنا حبيت أخد خطوة معاهم، وكلنا مبسوطين إن العمل عجب الجمهور.
6- رمزي شخص دمه خفيف، وكان بيعجبني المحتوى اللي بيقدمه من حيث الأداء والكتابة، وبحترمه جدًا، وحصل زي ما كنت متوقع إننا بقينا صحاب جدًا.
7- إحنا لسه مكملين تصوير، وفي الفترة الجاية هيحصل تطور كبير في الأحداث، وهنعرف عمرو أكتر.
